صراحة القصة هذي قريتها في أحد المنتديات وموتتني من الضحك
أتمنى إنها تعجبكم
هذا واحد يحكي قصة ليلة دخلتة
أسمعوا القصة
ليلة الدخلة .. ياهي ليلة عيد من جد ..
طبعا ً الناس تختلف عاداتهم .. من ديره ل ديره
اللي يلبسون كرفتات .. واللي يلبسون طرابيش حمر .. واللي يلبسون ثياب وغتر وبشوت
أنا أبي اسولف عن أهل الخليج . . وبالتحديد السعودية ...
طبعا ً قبل العرس لازم تنسق مع أهل العروس على المهر ..
وعندنا المهر مو ثابت . . يعني على حسب البنت في بعض المناطق
@@@@@@
وفي مجتمعنا المحافظ .. يقهرونك قهر ورب الكعبة .. تروح أختك وأمك يتفحصون البنت
<< مادري كانهم شارين لي سيارة مو بنيه .. مو ناقص إلا ياخذون بها مشوار يجربونها . .
و ترا المسألة ترجع كلها على حسب ذوق اختك ..
( وبيني وبينك .. اذا تبي تعرف ذوق اختك افتح دفترها حق المدرسة ..
إذا هو مزخرف وحركات وورد .. يعني ذوقها تمام
و تلقى اسماء مميزة زي ذكرى +ام هنوف + موضي + ام ليالي .. وقلب (حب) مدري و شلون هو جاي ..والله اني لما شفت ذوقها رحت فيها )
الخلاصه
أختاروا لك بنت الحلال وكل شي ..عاد المفروض بالعقل إنك تشوفها .. لأنها شريكة حياتك ( الشرع يقول كذا )بس عندنا عادات وتقاليد في هالخصوص مفادها : (( إنك ما تشوفهاالا يوم الدخله )) .. بس يوصفونها لك .. ( ولو بس تحاول مجرد محاولة إنك تشوفها أوتقرب منها والله إنهم يطردون وراك أخوانها كأنك إرهابي مو جاي تتزوج )
هنا
. توصفها لك أمك أو أختك شعرها كذا .. طولها كذا .. يعني شي خيالي .. وانت تفكر وتقول بنفسك
( يلعن ام الجمال هذا يا شيخ )
وأمك ترفع .. وأختك تكبس الخ .. وعلى هالوصف هذا كأنها( هيفاء وهبي) مو بنت أم فلان
وتقعد لك (ثلاث شهور) .. وأنت بس تفكر في هالبنت .. لين ينتفخ راسك . .
وهنا
ويجي اليوم اللي تمنيته طول حياتك .. ليلة العمر ( وما أدراك ماليلة العمر )
تلقاك لابس البشت وأبوك على يمينك وعمك على يسارك . .
وأخوانك وعيال عمك وعيال جيرانكم.والحبايب حتى عيال خدامتكم بعد . .
كلهم متجمعين .. واللي يرقص واللى يلعب عرضه يالسيف ( مسوي فيها الزير سالم )
واللي ماسك الرشاش يرش السما من بطلقات ناريه.. تقول جالس يحارب كانه مو زواج . .
بصراحة
العريس ما يخاف ساعتها إلا اذا قاموا أهلك يدخلونك على صالة الحريم بالغصب يدفونك دف
هنا يجيك ( مغص في البطن ) الله لا يوريك .. ولما تدخل الصاله تشوف إلعجب .. اللي حاطه ( الوان في وجها مشكله واللى كانه واحد ضريها بكس على عيونها مدري كيف هذا المكياج ) حتى الروج كمان صار بالعيون
واللي مغطية الوجه ومطلعه الخصله .. والمبرقعه ..روالا لباسه لبس الله لا يوريك مفتوح من هنا ومن هناك الله يستر
ولما تمشي في الصالة تبي الكوشة .. تسند جسمك على ابوك على شان ما تطيح من هول ما ترى
وتجلس على الكرسي تلتقط انفاسك .. وأنت من الداخل تغلي تبغى تشوف وجه العروسه
الحين عاد يجي الكلام اللي مال امه داعي . .
تجي أمك وتنزل وترقص فرحانه بولدها وشويه خالتك تراقصها ..و اختك ..والمنافقات يجماملوها
طبعا ً العالم اللي عندك ساعنها منتى صوبهم ابدا.. تبي تشوف البنوووته اللي جالسة بجنبك..متغطيه
وفي هذه الأثناء انت منجعص على الحضور .. وعينك تقز في البنات اللي قاعدين . .وفي
بنات الله يقلعهن يستعبطن استعباط ماله داعي كان اللى جالسه جنبي ماهى زوجتي
اللي تطيح الشيله متعمده .. واللي تنزل العبايه شويه وترفع شويه وانت قاعد تشوف البلاوي .. واللي ترفع الغطوه يعني انها تشرب مويه
( الله يرجهن . والله انهم زاحفات )
هنا تجي الحظه قبل الاخيرة
وبعدها تنطلق أنت وهالغزال للعشة الزوجية ( أموت أنا على العشة الزوجية )
ويدخلونكم الغرفة .. واللي يهني واللي يزغرد .. هنا تدخل لابس البشت ( كأنك السلطان هارون الرشيد
هنا ينقفل الباب
وتقول للعروس : السلام عليكم
وهي تعطيك ( أشكل .. ما ترد)
تقول لنفسك لقط ياعم (من اشكل)
وتنزل انته البشت .. وتجي تقعد جنبها على السرير << ( أيوه ... هناعاد يجي الكلام ) ....
ويوم جلست .. وانا المح طرف كوعها ..
كحيت
ولا ترد علي !!؟ يافلانه تعوذي من ابليس .. وقومي غيرى ملابسك<< وهي تسوي مستحية ..
المهم .. قلت بيني وبين نفسي .. ( يا ولد وش السالفة .. لا يكون البنت مغصوبة علي )
عاد أنا شهم لأبعد الحدود <<< والله انها ماتدري اني شرير لأبعد الحدود
وقلت لها .. يا بنت الناس .. حنا الحين متزوجين .. يعني أنتي زوجتي حلالي بشرع الله ورسوله . .
ما ترد علي .. كأني أسولف مع جدار
وقلت بيني وبين نفسي ( يا كثر ما انته قاعد تسولف على نفسك )
( تدري اشلون .. خلني اضحكها .. أنكت أستعبط شوي.. وألطف الجو )
والله وأجي وأقعد جنبها .. وأقول فيها بيت شعر .. أتغزل فيها
وهي في صمت .. ولا كأني موجود بالغرفة !
وأقوم وآخذ القلم وأسجل رقم جوالي .. واقوم وأقطه عليها وقلت لها هذا رقمي
أرقمها (بكيفي زوجتي ) ..
وهي تبتسم بس ما تكلمت .. ويوم تبسمت جيت وجلست بجنبها (و لسقت فيها زيادة )
وقلت لها .. ( معك فلان أمن دولة ) >>> مسوي أنكت أنا وراسي الكبير
هنا أحس إن البنت قالت بقلبها . . ( يا الله المستعان .. زوجي طلع خبل )
وآخذ لي ربع ساعة وأنا . . أطالعها من فوق لتحت تحسون كاني عمري ما شافت بنت
واقول في نفسي .. ( يا ولد الجسم ما يحتاج .. بس الوجه كيف.. ابي اشوف الوجه )
والله وأنا امسك يدها >>> لما مسكت اليد وقلبي قام يقول طربق طربق ..
والبنت قامت تنزل يدها الثانية شوي شوي .. وبلمح البصر ! .. تسحب الكعب اللي لابسته و على راسي مثل تقول كانه مكيف طاح عليك الا وانا مستغرب
وأروح وأوقف عند الباب .. وأقعد اطالعها .. مدري وش أسوي
إن طلعت برا شافوني اهلي .. ويقولون وش فيه ولدنا لا يكون فضحنا مع البنت
وإن جلست في الغرفة .. هذي مش راضية تعطيني وجه .. وقمت افكر و افكر لين طرت على بالي خطة
واشوف سويتش اللمبه ( Off .. On ) .. طفيت اللمبه .. و ولعت اللمبه الحمرا.. ألمِح لها يعني أبيها تفهم ..
والله وتقوم بنت الحلال وتتوجه صوبي
أنا يوم شفتها جتني تمشي .. خفت والله .. قلت الحين تبي تلعن خيري مرة ثانيه
وتجي .. وتطفي اللمبه الحمرا .. وتولع اللمبه العاديه
وأنا ماسك يد الباب أبي انحاش إذا قربت لي أمحق من رجال
وقلت لها .. ( خلاص بلا عرس بلا بطيخ .. الحين انا ابي انام .. وشلون يعني !؟ )
والله والبنت ساكته .. وانا اقرب شوي شوي .. واسحب المخدة ببطء شديد >>> والعن أم الخوف
واروح لزاوية الغرفة .. واحط المخده .. واحط راسي عليها .. وألقيها ظهري
وحسيت ان البنت قامت وتحركت .. ( تغير ملابس الفرح )
وانا صاد اطالع الجدار ( ما قلت لكم شهم )
ايه00 هين تجيكم السالفة
ويوم خلصت .. ألتفت عليها .. وعلى طول لما شافت وجهي تغشت البنت مستحيه مني
والله وانا اقوم واروح لثلاجة اللي بنفس الغرفة .. وفتحتها
وأشوف انواع الحلاو .. وانواع العصيرات .. ( يا بعد قلبي يا امي .. هي اللي شاريتها )
وأسحب الكتكات .. وأقعد آكل من الحلويات لين أرتفع السكر اللي عندي
والبنت تطالعني مستغربة .. انا إذا شفت الحلويات والعصيرات .. أفقد الوعي على طول
وحسيت فيها انها تناظر لي .. وانا آكل من الحلويات .. من كل بستان زهرة على ما قالوا
وأجي وأحطهم عندها .. وأطالعها وابتسم
( طبعا ً الكلام هذا وأنا ما شفت وجهها للحين )
ومدت ايدها شوي شوي .. وأخذت الكتكات (عاد أنا أحلى شي عندي الكتكات ) ..
والله وانا اطالعها بعيوني .. ( ابيها ترجعه وتاخذ شي ثاني غيره )
وهي ما تهتم فيني .. وتفتح الكتكات و تدخل يدها تحت الطرحة وتآكل
وقلت لها .. أدفع نص عمري بس أشوف وجهك . .
قالت بصوت خافت ومبحوح ( صوتها يدوخ ياجماعة الخير )
قالت .. جوالى محظور وأبي بطاقة سوا
انا يوم سمعت البطاقه .. كأنك صافقني مخمس 00وقلت في نفسي .. هلا هلا بدينا ؟! .. من أولها بطاقه سوا .. شكل الهانم راعية تلفونات
وقلت لها .. أجيب لك الثريا .. بس أكشفي .. أبي أكحل عيوني وأشوف ما خلق ربي
(ابي اوصف لكم الحدث .. كأنكم معي )
وتضع يدها على النقاب ..
وأنا أنظر ..
و يبدأ التصوير بالبطيء .. وأنا أنظر لها بتلهف وفاتح فمي
وحين كشفت لي عن وجهها ..
قلت ( ............ ......... ......... ......... ...... )
وهي تبسم وتحرك راسها يمين شمال .. والشعر يثناثر على وجهها
وبحركه خطافيه .. اسحب الطفايه السجائر اللي جنب السرير
واحذفها عليها بسرعة لكنها تحاشت الرميه
أنا أنقهرت .. وقلت .. الله يقلعك انتي وذوق أختي اللي جمعتني فيك يا بنت الإيه ...
والله وأنا أطالعها منقهر .. ومتحسف على المهر ( السبعين ألف )
على طول خرجت .. وقلت لهم
الله يلعن أبو ال D . N . A وش ذا مزوجيني قردة لا يبارك فيكم ؟! . .
بالله هذي بنت .. لعن أبو دراكم لو إني مآخذ لي سرلنكيه أصرف لي والله من هالقردة اللي أنتوا مزوجيني إياه . .
وتقولون هيفاء وهبي بعد ؟! .. زكيه زكريا أطلق منها الله لا يربحكم أن شاءالله . . انا متحسف منين أسدد الديون اللي علي ..... وانا اقط البنت على اهلها .. وارسل لهم ورقة الطلاق. .
وانصحكم ..... لازم تشوف العروس ... قبل ما يقع الفاس في الرؤؤس...
وتعيش متعوس
